Менің сүйікті кітабым
| Қаралды: 853
2025 жылдың 13 мамыр күні кітапханамызда «Әділ қоғам» жобасы аясында «ZERDE» әдеби клубының кезекті отырысы Қарағанды жоғары гуманитарлық колледж студенттерінің қатысуымен өтіп, жазушы Дулат Исабековтың «Сүйекші» кітабы талқыланды.
Бұл кітаптың терең философиялық мәні мен қоғамдағы әлеуметтік мәселелерді көтеруі оқырмандардың қызығушылығын арттырады. Талқылау барысында клуб мүшелері тіршіліктен сый көрмеген, тек әділетсіздік пен қорлықтан жапа шегіп өмір сүрген кітаптың басты кейіпкері Тұңғыштың өмір жолына тереңірек үңіліп, қызу талқылады. Кейіпкерлердің мінез-құлқы мен оның өмірге деген көзқарасы туралы пікірлер алмасып, әрқайсысы өзіндік түсініктерімен бөлісті.
«Үш арыстың ауылынанбыз» – елдік рухты ұлықтаған тағылымды туындының тұсаукесері
| Қаралды: 260
2025 жылдың 25 мамырында Н.В. Гоголь атындағы Қарағанды облыстық әмбебап ғылыми кітапханасында халқымыздың рухани-мәдени мұрасын насихаттауға арналған мазмұнды әрі мәнді шара өтті.
Бұл күн – Алаш қайраткері, жерлесіміз Әлімхан Әбеуұлы Ермековтың туған күні. Рухқа тағзым ету мақсатында арнайы ұйымдастырылған бұл тағылымды кеште Ақтоғай өңірінің төл перзенті, өлкетанушы, ҚР Мәдениет саласының үздігі, Ақтоғай ауданының Құрметті азаматы Тұңғышбай Өміртайұлы Мұқанның «Үш арыстың ауылынанбыз» атты еңбегінің тұсаукесері көпшілік назарына ұсынылды.
Кітап атауының өзі-ақ оқырманды терең ойға жетелейді. Елдің біртуар тұлғалары – Әлихан Бөкейхан, Әлімхан Ермеков, Жақып Ақбаев сынды Алаш қайраткерлерінің ізі қалған қасиетті өңір – Ақтоғай топырағының тарихы мен тағдыры туралы бұл еңбек ұлттық рухты жаңғыртатын ерекше дүние.
