Қарағанды ОӘҒК

Абонемент – кітапхананың ең байырғы  әдебиеттерді үйге алуға мүмкіндік беретін негізгі бөлімдерінің бірі.  Бөлімнің кітап қоры қазақ және орыс тілдерінде әмбебап оқулықтармен  ғылыми-көпшілік әдебиеттерден көркем әдебиеттерге дейінгі ғылымның әр саласын қамтитын  әдебиеттерден тұрады.  Ақпараттық кеңістігін кеңейту үшін бөлімнің қоры оқырмандарға қолжетімді.            

Бөлім мамандары Қарағандылық ақын-жазушылармен шығармашылық кездесулер, айтулы күндерге, мерейтойларға арнап кітап көрмелерін ұйымдастырып, әдеби кештер өткізеді, жаңа кітаптар презентациялары ұйымдастырылады. Дүниежүзілік кітаптар және авторлық құқық күніне арналған кітап жәрмеңкелері өткізіледі.

Бөлімде ZERDE әдеби  клубы жұмыс жасайды, «Кітап 03» қызметі, Ұлы Отан Соғысы  ардагерлері мен мүгедектер үшін үйде қызмет көрсету жұмысын істейді.

Бөлім басшысы - Жумагулова Мейрамгул Толеугазиевна

Тел.: 8 (7212) 56-53-04
Email: Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.

Бөлiм тарихы

Дереккөз: Қарағандыдағы алғашқы кітапхана. 1934-2009

Абонемент – кітапхананың ең байырғы бөлімі. Алғашқы күннен бастап-ақ оқырмандарға танымал және оларға қызмет көрсетуге ең ыңғайлы бөлім. Бөлімнің кітап қоры әр саланы қамтитын әмбебап, қазір 80 мың данаға жуық әдебиеттерден тұрады. Бөлім қорының белгілі бөлігінен оқырмандардың еркін пайдалануы үшін ашық қор жағдайы жасалған. Оқушылар мен студенттер мұнда оқу бағдарламасы бойынша және басқа да керекті әдебиеттерді еркін таңдай алады. Ересек оқырмандар өз жұмысына байланысты әдебиеттермен қоса көркем әдебиеттерді таңдап алады. Мұнда білімнің барлық саласы бойынша әдебиеттер мен көркем шығармалар жинақталған. Кітап көрмелері, тақырыптық іріктеу, бөлгіштер – абонемент оқырмандары үшін кітап әлеміне деген басты бағдар. "Қазақ әдебиетінің әлемі", "Қазақстанның болашағы – қазақ тілінде", "Абонементтің ашық қоры" т.б. кітап көрмелері тұрақты түрде жұмыс жасайды және ондағы әдебиеттер үнемі жаңартылып тұрады. Абонементте осыдан 75 жыл бұрынғыдай кішіпейілділік көрсетіп әрбір оқырманның өзіне керекті кітабын тауып алуына жағдай жасалған. Бұл бөлімнің оқырман.дары қашанда әр түрлі мамандықтың иелері: дәрігерлер мен мұғалімдер, зейнеткерлер, шахтерлер, инженерлер мен архитекторлар, экономистер және заңгерлер. Абонемент оқырмандарының ең үлкен тобы студенттер мен оқушылар.

Оқырмандарға қызмет көрсету жұмысы әрқашанда уақыт талабына сай жүргізіледі. 70-ші жылдары техникалық және гуманитарлық профильдегі мамандарына жеке бөліп қызмет көрсету енгізілді. Екі кафедра ұйымдастырылды: жаратылыстану және дәлдік ғылым,  гуманитарлық ғылым.

Кейіннен мамандандырылған бөлімдердің ашылуына байланысты кафедралар жабылып, өлкетану және шет тілдері әдебиеттерімен қызмет көрсету топтары ұйымдастырылды. Қазіргі кезеңде мамандар, оқушылар, жастар және зейнеткерлер мен жұмыс істемейтіндер топтары іріктелді.

70-ші жылдары абонемент бөлімі кітапхана жүйесінде заңгерлер мен медицина қызметкерлеріне ақпараттық қызмет көрсету жұмысына белсене араласты. Облыстық сот және Жоғарғы милиция мектебінің (қазір ҚР ШШМ Заң институты) мамандарына кеңестік заң шығармашылығы туралы әрбір тоқсан сайын ақпарат жіберіп тұрды. Жыл сайын 10-шы қарашада кітапханада заңгерлер Күнін өткізу әдетке айналды. Құқықтық білім университетінің жалпыазаматтық құқық факультетімен тұрақты түрде байланыс жасалып оның оқытушылары мен тыңдаушылары үшін үнемі ақпараттық іс-шаралар өткізіліп тұрды. Кейінгі жылдары ақпаратпен пайдаланатын абоненттер қатары медицина қызметкерлері мен өсті.

Қазіргі кезде абонементтің негізгі оқырмандар санатын қала мұғалімдері құрайды. Абонемент қалалық білім беру бөлімімен бірге "ОҒӘК – мұғалімдер үшін ақпарат Орталығы" бағдарламасын жүзеге асырады.Жыл сайын қала мұғалімдері үшін "Педагогика саласындағы жаңа технология", "Кітапхана – инновациялық білімге", "Пән мұғалімдеріне көмек" т.б. тақырыптарда ақпараттық күндер өткізіледі. Әдеттегідей бөлім облыс мұғалімдерінің тамыз кеңесіне белсене атсалысады. Бұл жұмысқа көп жылдар бойы М.А.Алексеева жауапты болды.

Бөлім мамандары Қарағандылық ақын-жазушылармен шығармашылық кездесулер өткізіп, айтулы күндер мен тарихи даталарда кітап көрмесін ұйымдастырады. Қазақстан жазушыларының мерейтойларына орай әдеби кештер ұйымдастырып, кітаптардың презентацияларын ұйымдастырады. Қаладағы белгілі іс-шаралардың бірі абонементтің ұйымдастыруымен өткізілетін Дүниежүзілік кітаптар Күні және авторлық құқық кітап жәрмеңкесі.

Бөлім "мемлекеттік тілді қолдау және дамыту", "Қазақ әдебиеті әлемі" ақпараттық-кітапханалық бағдарламаларын жүзеге асыруда. Абонемент жанында оқырмандардың "Әдеби қонақжайы" қоғамдық бірлестігі және "Жыр-Жауһар" поэтикалық клубы жұмыс істейді. Бұл жұмыстың басты ұйымдастырушылары бөлімдегі кітапқұмарлар, әсіресе көркем әдебиетті бағалаушы С.В.Писарева, Т.В.Баймағамбетова, В.В.Кашкина.

90-шы жылдары абонемент ақылы қызмет көрсету жұмысын бастады. Ақылы абонемент жұмыс жасады, "Бірлесіп сатып алған кітаптар" клубы ұйымдастырылды.

2001 жылдан бастап бөлім қорындағы бұрынғы кітаптарды электронды каталогқа енгізу жұмысын бастады.

30-шы жылдары кітапхана штатында формальды түрде бөлім меңгерушілері қарастырылмаған, тек 1941 жылы ресми түрде оқу залының, абонемент, жылжымалы қор және өңдеу бөлімдерінің меңгерушілері лауазымы бекітілді. Абонемент бөлімінің алғашқы меңгерушісі З.Карімова болған. 1950 жылдан бастап Мухачева Людмила Федоровна, одан кейінгі жылдары В.А.Кулагина, Г.С.Кудрявцева, Я.А.Безродная, Л.А.Рахалина, Г.М.Лютова, Н.М.Кравченколар меңгерушілік қызмет атқарған. Қазіргі уақытта абонемент бөлімінің меңгерушісі – Аманжолова Дина Базарбайқызы.

Абонементке ол келген уақыттан бастап қазақ көркем әдебиетін насихаттау жұмысы жанданды, қазақ тілі мен әдебиеті пәнінің мұғалімдеріне ақпараттық қызмет көрсету қолға алынды. Оның бастауымен "Жыр-Жауһар" поэтикалық клубы ұйымдастырылды.

Бөлімде ертеден істеп келе жатқан, тәжірибелі маман Писарева Светлана Владимировна-қызмет көрсетудің жаңа түрлері туралы кеңесшісі. Кітапханаға ол орта мектепті бітіргеннен кейін келген. Алғашқы да аз уақыт өнер туралы әдебиеттер бөлімінде істеді, кейіннен абонементке ауыстырылды. Осы жылдарда Шымкенттегі АльФараби атындағы мәдениет институтын бітірді жауапты қызметкер, жақсы маман. С.В.Писарева "Қазақ әдебиетінің әлемі", бағдарламасын жүзеге асырумен жүйелі түрде  шұғылданады, қазақ көркем әдебиетін насихаттайды, әдеби кештер ұйымдастырып, кітап фестивальдерін, жаңа кітаптар презентациясын өткізеді.

Ақпараттық-библиографиялық қамтамасыз ету бөлімі - бұл кез-келген сұраныс бойынша жедел, толық және шынайы ақпарат беретін бөлім.

Бөлімнің қоры:

• · Кітаптар, энциклопедиялар, сөздіктер, анықтамалар, статистикалық жинақтар, әдебиеттердің библиографиялық көрсеткіштері
• · Атаулы даталар күнтізбесі,
• · Қазақстан Республикасының нормативтік-құқықтық актілері,
• · Мақалалардың электронды картотекасы қазақ және орыс тілдерінде,
• · Мақалалардың жүйелі картотекасы (карточка формасында 199 жылға дейін),

Бөлім қызметтері:

• баспа және электрондық дерек көздеріненн ақпарат іздеу бойынша кеңестер,
• пайдаланушылардың сұраныстары бойынша анықтамаларды тікелей каталогтар залында, телефон арқылы, "Библиографтан сұра" виртуалды анықтама қызметі арқылы орындау Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.,
• дипломдық, диссертациялық және курстық жұмыстарға тақырыптық және библиографиялық тізімдер,
• ғылыми жұмыстардың библиографиялық бөлімдерін редакциялау.

Бөлім қызметінің негізгі басымдылығы – кітапханалық-библиографиялық процестерді автоматтандыру және ақпараттандыру, кітапхананың компьютерлік қауіпсіздігін қамтамасыз ету.

Бөлім қызметінің ең маңызды аспектісі – компьютерлерді жетілдіру, физикалық және моральдық тозығы жеткен компьютер жабдықтарын алмастыру, қолданыстағыларын жөндеу. Қазіргі заманғы программалар жасақтамаларын орнату.

1. Кітапхананың жергілікті компьютерлік желісіне техникалық қолдау көрсету.
2. Интернетке және электронды поштаға қол жеткізуді ұйымдастыру.
3. Кітапхананың электронды каталогын пайдалану және қолдау көрсету үшін ақпараттық инфрақұрылым жасау. Негізгі форматтарды жергіліктендіру.
4. Кітапхана сайтына, блогына технологиялық қолдау көрсету. Кітапхананың электрондық қызметтерін жетілдіру.
5. Онлайн-каталогтың web-интерфейсін сүйемелдеу.
6. Кітапханалық процесінде интернет-технологияны пайдалану. Бейнеконференцбайланыс режімінде шаралар өткізу.

Көпшілік оқырмандарға қызмет көрсету филиалы кітапхана оқырмандарының сұранысын қамтамасыз ететін кітапхананың жеке құрылымдық бөлімшесі болып табылады.

Филиалдың қоры қазақ және орыс тілдерінде әмбебап оқулықтардан, көркем әдебиеттерге дейінгі ғылымның әр саласын қамтиды. Филиалда оқу залы, балалар бөлімі және абонемент бөлімі қызмет атқарады.

Филиал мамандары айтулы күндерге, мерейтойларға арнап кітап көрмелері мен көпшілік іс-шаралар  ұйымдастырады. № 27, 57,15,16 т.б. мектеп кітапханашыларымен тығыз қарым-қатынаста жұмыс істейді. Жазғы демалыс уақытында, оқушылардың жазғы демалыс лагерінде әр түрлі іс-шаралар ұйымдастырады.

Филиал басшысы : Батенова Вилдана Рымхановна

Тел. 8(7212)77-27-76

Негізгі  қорларды сақтау бөлімі кітапхананың құрылымдық бөлімшесі болып табылады. Бөлімнің негізгі міндеті – кітапхана қорын мәдени және ақпараттық мұраның бір бөлігі ретінде сақтау. Бұл міндетті жүзеге асыруда бөлімнің негізгі қызметі анықталып, қорды сақтауға қажетті жағдай жасау жұмыстары ұдайы жүргізілуде.

Бөлім қызметкерлері оқырмандардың ақпараттық сұраныстарына сай кітапханалық- библиографиялық қызмет көрсетеді. Қызмет көрсету абонемент және оқу залы арқылы, оқырмандардың сұраныс – талаптарына сәйкес қажетті әдебиеттерді жедел түрде жеткізу негізінде жүргізіледі.

Бөлімде мазмұны жағынан әмбебап кітапхана қорының негізгі бөлігі орналасқан. Бүгінгі таңда бөлімдегі қордың көлемі 300 000 данадан астам. Оның ішінде 200 000-ға жуық данасы кітап қоры болса, 100 000 данасы мерзімді басылымдар.

Негізгі қорларды сақтау бөлімінде көптеген көлемді құжаттар жинақталған, олардың көп бөлігі бүгінгі таңда тарихқа айналып, облыс бойынша тек біздің кітапханада сақталған. Олардың ішінде Кеңес Одағы кезіндегі анықтамалық әдебиеттер, сол уақыттағы саяси құжаттар, саяси және мемлекеттік қайраткерлердің еңбектері мен КСРО-ның орталық мерзімді басылымдар мұрағатын атап өтуге болады.