Қарағанды ОӘҒК

Қазақстанда 2007 жылдан бастап Ұлттық академиялық кітапханасы мен Қазақстан Республикасы Кітапханашылар қауымдастығының бастамасымен "Бір ел - бір кітап" республикалық акциясы өткізілуде. Оның мақсаты - ұлттық әдебиеттің үздік шығармаларын оқу және насихаттау, білім беру үрдісіне ықпал ету, рухани мұрамызды сақтау, сондай-ақ жастарды рухани және патриоттық тәрбиеге баулуға бағытталған. Сонымен қатар, бұл акция классиканы, заманауи әдебиет пен поэзияны қоса алғанда, отандық әдебиетке деген жұртшылықтың қызығушылығын одан әрі арттыруға ықпал етеді.

2021 жылы Қазақстан Республикасы Тәуелсіздігінің 30 жылдығын мерекелеуге байланысты "Тәуелсіздігіміздің 30 жылдығына-30 кітап" рухани-мәдени акциясы ұсынылды. Акция аясында жалпыхалықтық оқуға ұсынылған жыл кітаптары үлкенді сыйлау, сөз тыңдау, ата дәстүрін құрметтеу сияқты дәстүрлерге мән беруге, рух, жан тазалығын, шынайы қасиеттерді сүйіп, толғануға бағытталған "Отыз жылдыққа отыз кітап" таңдалды.

Назарларыңызға 2021 жылдың "Тәуелсіздігіміздің 30 жылдығына – 30 кітаптың" тізімін және кітапханамызда өткізілетін іс-шаралар жоспарын ұсынамыз.

Балалар жазушысы Б.Соқпақбаевтың туғанына 100 жыл

Биыл «Бір ел - бір кітап» акциясы аясында қазақ прозасына өзгеше өрнек, ғажайып сыр-сипат әкелген көрнекті қазақ жазушысы, балалар әдебиетінің классигі, 2024 жылы 100 жылдығы ЮНЕСКО көлемінде аталып өтілетін Бердібек Соқпақбаевтың шығармаларын оқуға ұсынылды.

«Бір ел - бір кітап» республикалық акциясы елімізде 2007 жылдан бастап ҚР Мәдениет және спорт министрлігінің қолдауымен Қазақстан Республикасының Ұлттық Академиялық Кітапханасы мен ҚР кітапханалар қауымдастығының бастамасымен өткізіліп келеді.

Акцияның мақсаты – ұлттық әдебиетіміздегі ең үздік туындыларды оқу және насихаттау, оқу ісін ілгерілету, рухани мұрамызды сақтау, сондай-ақ жастарға рухани-адамгершілік және патриоттық тәрбие беруге бағытталған.

Құрметті ата-аналар, ата-әжелер, балалар! Сіздер үшін қызықты БАЙҚАУ! Кітап оқу дәстүрі отбасыңызда қалыптасқан болса, біз өткізетін  «Бірге оқимыз!» отбасылық байқауы – СІЗДЕР үшін!

Өтінімдер 11 сәуірден 15 тамызға дейін қабылданады.

Ереже

2022 жыл елімізде «Балалар жылы» деп жарияланды. Осыған орай, 13 желтоқсан күні С.Сейфуллин атындағы Қарағанды облыстық академиялық қазақ драма театрында Қарағанды облысының мәдениет, архивтер және құжаттама басқармасының қолдауымен облыс кітапханаларында Балалар жылының қорытындысы бойынша салтанатты рәсім өтті.

Салтанатты рәсімде Балалар жылының қорытындысы және облыстың 2022 жылғы Үздік кітапханаларының байқауы сонымен қатар балаларға арналған Үздік жоба жеңімпаздары анықталды.

Н.В.Гоголь атындағы облыстық әмбебап ғылыми кітапханасының атынан ұсынылған:

• «Үздік оқырмандар» номинациясы бойынша - мамандандырылған музыкалық мектеп-интернатының 9 «А» сынып оқушысы Акеева Аяжан; №27 мектептің 7 «А» сынып оқушысы Егінбай Мәди;
• «Ең көп оқитын отбасылар» номинациясы бойынша - Инкарбаевтар отбасы (Инкарбаев Сұңғат Сейдикаримұлы (әкесі); Тумабаева Кумис Айтбаевна (анасы);  Сейдікәрім Қарақат Сұңғатқызы(11жас).)
• «Ең белсенді мектеп» - №27 Жалпы білім беру мектебі Қарағанды облысының мәдениет, архивтер және құжаттама басқармасының алғыс хаттарымен марапатталды.

Кітапханамызда 18-23 сәуір аралығында Дүниежүзілік кітап және авторлық құқықты қорғау күні мен Қазақстандағы балалар жылы аясында «Бүгінгі сән – КІТАП ОҚУ!» атты балалар мен жастар кітабының апталығы өтті.

Мақсаты – кітап шығарушыларға, жазушылар мен ақындарға құрмет көрсету, кітапты насихаттау, кітап пен оқуға деген қызығушылықты қолдау, өскелең ұрпақтың рухани-адамгершілік білімін арттыру, жастарды кітап оқуға баулы, көркем әдебиетке деген құштарлығын ояту.

Балалар мен жастар кітабының апталығының қатысушыларына қызыққа толы шаралар әзірленіп, ашылу салтанатында кітапхананың үздік оқырмандары мен жанашырлары марапатталды.