Сыйға тартқан кітаппен таныс бол
| Қаралды: 4809
Қазақ тарихындағы ұлы тұлғаларды дәріптеу әдеби шындықпен әдіптеп көркемдеу бүгінгі күнге жалғасқан игі дәстүр.
Өлкеміздің тарихындағы ақын-жазушылардың есімін жаңғыртуда, жастардың кітап оқуға құлшынысын арттыруда, жергілікті ақын – жазушылардың шығармаларын насихаттап, кенді өңірде бүгінде қалам тербеп жүрген жастар арасында бағыт бағдар берудегі кітапхананың алдына қойылған міндеттерінің бірі.
Осыған орай кітапханада «Сыйға тартқан кітаппен таныс бол» атты библиофреш өтті.
Тәуелсіздікті жырлаған ақын
| Қаралды: 5264
Назарларыңызға ақын, ЕСЕП – Елін сүйген ерлер партиясының мүшесі болған Махмет Темірұлының 100 жылдығына арналған «Тәуелсіздікті жырлаған ақын» атты бейне шолуын ұсынамыз.
Кітапханашы күні
| Қаралды: 5328
Құрметті әріптестер! Сіздерді Кітапханашылар күні мерекесімен шын жүректен құттықтаймыз!
Бүгінгі дамыған замандағы жастар мен кітапты байланыстыратын алтын көпір – кітапхана. Көне жазбалар мен сирек кітаптар секілді кітапхананың да тарихы өте ескі дәуірлерден бастау алады. Кітапхана – мәртебесі биік киелі шаңырақ. Кітапхана – оқырманның рухани талап-тілегін қанағаттандырумен қатар әлемдік, ұлттық, әмбебап ақпарат көздерін толық жинақтап, оқырманға жеткізуші болып табылады. Қызығы мен қиыншылығы қатар жүретін кітапханашы мамандығы туралы бір ауыз сөзбен жеткізу мүмкін емес. Кітапханашы бүгінде тек қана оқырманға кітап беріп қана қоймай, көптеген маңызды жұмыстарды атқарады. Бүгінгі заманға сай күнделікті ақпарат ағынын оқырманға жетелеуші, сонымен қатар кітапхананың бай қорын сақтаушы, насихаттаушы.
Кітапханашы әріптестерімізге зор денсаулық, кәсіби шеберлік пен парасаттылық, еңбектеріңізге шығармашылық табыс, отбасыларыңызға бақыт тілейміз!
Құрметпен, Н.В.Гоголь атындағы Қарағанды облыстық әмбебап ғылыми кітапханасы
Құрметті оқырмандар!
| Қаралды: 5521
Гоголевка оқырмандарының НАЗАРЫНА!
Н.В. Гоголь атындағы Қарағанды облыстық әмбебап ғылыми кітапханасы
2023 жылдың 01 қарашасынан бастап қысқы жұмыс кестесіне көшеді – 09.00-ден 18.00-ге дейін
Рухани келісім әлемі
| Қаралды: 5410
1992 жылы қазанда Қазақстанның Алматы қаласында Рухани келісімнің 1-інші әлемдік конгресі өтті. Конгреске қатысушылар қазанның 18-ін рухани келісім күні – қақтығыстар мен жанжалдарға тоқтам салу күні, татулық іздеу күні, жақынға қайырымдылық және көмек күні деп жариялау туралы манифест қабылдады. Сол сәттен бастап Қазақстанда 18 қазан күні Рухани келісім күні деп атап өтіледі.
Қазақстанда ортақ отбасымен 130 этностың және 40 конфессиядан артық өкілдері өмір сүреді. Біздің халықаралық және діни аралық келісімнің моделі - Қазақстанның әртүрлі конфессиялардағы өзара іс-әрекеттердің жалпы әлемдік процесіне нақты үлесі.
Өшпес өнеге иесі
| Қаралды: 4376
Классик, детектив жанрының дарабозы Кемел Тоқаевтың өмір тарихы өте қызық. Басынан небір қиын-қыстау заман өткен, қабырғасы қатпаған қаршадай кезінде ата-анадан айырылып, тұл жетім боп қалған кездері бірнеше кітабына арқау болды.
Дарабоз жазушымен қызметтес болған, Әбілфайыз Ыдырысовтың жазушы жайындағы бір әңгімесі қазақ радиосының «Алтын қорында» сақталыпты. Әбілфайыз Ыдырысов: «Кемел Тоқаев парасатты, жаны сұлу адам еді. Үлкенге де, кішіге де ілтипатпен қарайтынды. Кемшілікке төзбейтін, адамның қателігін бүкпесіз бетіне айтады. Менмендік, тәкаппар қылықтан ада, қандай игі істер атқарса да, ешкімге міндет артпай, заманына сай адал еңбек ететін-ді. Бізге Бас редактор болып келген соң тез тіл табысып кетті. Ол өзі білмейтінді сұрап алушы еді. Сондай ақылды адам еді».
Кемел Тоқаевтың өнегелі өмір жолы, еңбекқорлығы мен адами қасиеттері жас ұрпаққа үлгі болуға лайық. Ал оның туындылары әдебиет тарихындағы асыл қазына, өшпес мұра болмақ.
Жадынамада ақынның өмірбаяны, шығармашылығы, қазақ тілдеріндегі шығармалары, ол туралы кітаптар, мақалалар тізімі берілген. Бұл жадынама Н.В.Гоголь атындағы облыстық әмбебап ғылыми кітапхана қорындағы материалдары бойынша жасалған.
Көпшілік оқырман қауымға арналған.
«АлашTime» облыстық форум-байқауы
| Қаралды: 4889
Қарағанды облысының Мәдениет, архивтер және құжаттама басқармасының қолдауымен Н.В. Гоголь атындағы Қарағанды облыстық әмбебап ғылыми кітапханасының ұйымдастыруымен 2023 жылдың 13 қазан күні Алаш көсемі Әлихан Бөкейхан мұрасына арналған облыстық «АлашTime» форум-байқауы өтті.
Форум-байқау кітапхананың бірінші қабатында орналасқан «Әлихан Бөкейхан – дәуір тұлғасы» атты диалог-көрмесімен ашылды. Ашылу салтанатында тарихшы ғалым, «Тұлғатану» ғылыми-зерттеу орталығының директоры Нұрсахан Ахметқызы Бейсенбекова, ұлағатты ұстаз, Халықаралық Жазушылар одағының мүшесі, Әлихан Бөкейхан атында мектептің, ауданның есімін беруде үлкен қызмет атқарған еңбек ардагері Тілеуғалы Әміртайұлы құттықтау сөз сөйлеп, форум-байқаудың жұмысына сәттілік тіледі. Абай атындағы мектеп-гимназияның оқушылары Ә. Ілиәш, О. Ерхан, А. Рахметолла, А. Ахметов Алаш қайраткерлерінің Әлиханға арнаған өлеңдерін жатқа айтып, оқырман қауымын жырмен сусындатты.
«Гоголевкада» жаңа басшы!
| Қаралды: 4739
2023 жылғы 10 қазанда Қарағанды облысының Мәдениет, архивтер және құжаттама басқармасының басшысы Жұмакенов Еркебұлан Қайроллаұлы, Н.В. Гоголь атындағы Қарағанды облыстық әмбебап ғылыми кітапхананың ұжымына жаңа басшыны – осы мекемеге тағайындалғанға дейін Қарағанды облыстық зағип және нашар көретін азаматтарға арналған арнайы кітапханасының басшысы лауазымында жұмыс атқарған Шаймуханбетова Айнур Сакеновнаны таныстырды.
Қазақстан Республикасының 2024 жылы аталып өтілетін және еске алатын күндер күнтізбесі
| Қаралды: 5987
Жыл сайын Н.В. Гоголь атындағы Қарағанды облыстық әмбебап ғылыми кітапханасының ақпараттық - библиографиялық қамтамасыз ету бөлімі Қазақстан Республикасының ұмытылмас, тарихи күндеріне арналған қазақ және орыс тілдерінде күнтізбе шығарады.
Күнтізбеде елімізге танымал ақын-жазушылардың, мәдениет және өнер қайраткерлерінің, ғалымдардың, саясаткерлердің, қоғам және мемлекет қайраткерлерінің 2024 жылы атап өтілетін мерейтойлы даталары қамтылған.
Сонымен қатар, басылымға тарихи оқиғалардың күндері мен Қазақстан Республикасының ұлттық, мемлекеттік және кәсіби мерекелері күндері енгізілген. Мерейтойлы даталарды атап өтуде өзіндік көмегін тигізеді деген мақсатта Н. В. Гоголь атындағы ОӘҒК қорынан табылатын әдебиеттер тізімі ұсынылған.
Күні мен айы белгісіз айтулы даталар бөлек беріліп, оларға да әдебиеттер тізімі жасалған.
Күнтізбе материалы әр айға бөлініп, онда жалпы тізім бойынша орналастырылған.
Басылым көпшілік қауымға, мамандарға, студенттер мен оқушыларға, мектеп мұғалімдеріне, кітапханашыларға арналған.
«Шекарасыз – кітапхана» Ашық есік күні
| Қаралды: 5077
Н. В. Гоголь атындағы Қарағанды әмбебап ғылыми кітапханасы 2023 жылдың 25-26 қыркүйегінде «Шекарасыз – кітапхана» атты дәстүрлі Ашық есік күнін өткізді.
Акцияның мақсаты – оқуға деген қоғамдық қызығушылықты арттыру, оқырмандарды кітапхана жұмысының шарттарымен, жаңа ақпараттық мүмкіндіктермен және кітапхана қызметімен таныстыру.
Кітапхана ақпарат уақытынан бастап, Қазақстанның көрнекті тұлғаларына арналған маңызды тақырыптық кітап көрмелеріне дейін түрлі бағдарламаны ұсынды.
Жастармен жұмыс тәжірибесі бар біздің қызметкерлеріміз студенттерді топтарға тез және үйлесімді түрде бөліп, оларды дайындалған қызықты ойындар, викториналар, көрмелер, библиофреш, кітап десс-коды бойынша бөлімдерге алып жүрді.
Кітапхананың фойесінде «Ізгі тілектер» бұрышы орнатылды. Келушілер кітапхана жұмысы бойынша құттықтауларын, тілектері мен ескертпелерін белсенді түрде қалдырып отырды. Мысалы: «Кітапханадан өте күшті әсер алдым және келесі күндері оқу бөлмесіне келіп, осында кітап оқимын деп мақсат қойдым», «Бұл кітапхананың атмосферасы ерекше. Жылдан-жылға көркейе беріңіздер! Кітап қоры көбейсін!», «Өте керемет. Рухани дамып, көңіліміз көтеріліп қалды. Барлығына рақмет!».
