Бір жыл ішіндегі ең "мамыражай" ай да келіп жетті. Мамыр айында табиғаттың құлпырып, гүлденуі көп күттірмей жаз мезгілі де келіп қалатынын білдіріп тұрғандай. Мамыр айы – Қазақстан халқының Бірлігі мерекесі, Отан қорғаушылар күні, Жеңіс күні секілді айтулы мерекелерге толы. Сонымен қатар, біздің кәсіби мерекеміз – Мәдениет пен Өнер қызметкерлерінің күні де осы айда.

Мамыр айына арналған іс-шаралар жоспары

Сарыарқаның төсінде,

Төне түсіп Есілге

Бой көтеріп Астана,

Ілесті өмір көшіне

– деп ақын Өтепберген Ақыпбекұлы жырлағандай қазақ ұлтының ұлы тұғыры, Алаш жұртының асқақ айбары – ару Астанаға 20 жыл!

Тарих үшін қас-қағым сәт. Бірақ мынау өзгерістер өлшемі көз ілеспес жылдамдықпен жарысқан бүгінгі кезең үшін аз уақыт та емес сияқты. Қалай болғанда да, осы уақыт өлшемінің ішінде Қазақстан халқының ерен еңбегінің нәтижесінде әлемнің атақты астаналарымен салтанат жарастырып, көркімен де, көлемімен де бой таластыра алатын қазақ жұртының жас та бас қаласы қалыптасты. Міне, осындай тамаша жетістіктер мен жеңістерге толы 20 жыл ішінде Ұлы даланың қақ кіндігі – Сарыарқа төсінде XXI ғасыр ғажайыбы, әлемдік мегаполис, арман қала бой көтерді.

Бүгін яғни, 27 – сәуір күні Н.В. Гоголь атындағы Қарағанды облыстық әмбебап ғылыми кітапханасында "Тәуелсіздіктің символы – Астана " атты кітап көрмесі өтті.

Азамат ісімен, әрекетімен көрікті дейміз. Демек, біреу туралы сөз бастағанда ең әуелі ол не бітірді деген сұрақты қою заңдылық. Белгілі бір саланы ғана меңгеріп, сол арқылы ел мақтанышына айналып, халық құрметіне бөленіп жүрген тұлғалар аз емес. Осындай азаматтың бірегейі – Марал Хасен. Ол еліне, жеріне еңбегі сіңген, ойы терең, тілі бай журналист, публицист, әзіл-сықақтың майталманы, өзінің тілін құрметтеп, өзгенің тілін шебер меңгеріп, қазақтың көркем сөзін басқаларға таныта білген аудармашы, есімі көпшілік оқырман қауымға кеңінен танымал. Өткір ойлы, биік парасат-пайымды, терең зейін-зерделі, шын жүректен туындаған еңбектері халықтың қарапайым, ұғынықты тілімен жазылғандықтан әркез оқырман жүрегіне жол тапқан.

Дүниежүзілік кітап және авторлық құқықты қорғау күніне, Астананың 20 жылдық мерейтойына ұйымдастырылған кітап фестивальі апталығы аясында кітапханамызда Марал Хасеннің "Тарлан ашқан талант" атты еске алу кеші өтті.

24 сәуір күні сағат 15.00-де кітапхананың конференц залында "Бір ел – бір кітап" акциясы аясында Бауыржан Момышұлының "Ұшқан ұя" шығармасына арналған кеш өтті. Кешке жиналған кітапханашылар мен  студенттерге Баукеңнің өмір жолы мен шығармалары  жайлы айтылып, "Ұшқан ұя" бойынша  талдау жасалып, көрме таныстырылып, "Халық батыры-Бауыржан" атты презентация  көрсетілді. Тәттімбет атындағы өнер колледжінің студенттері А.Бектің шығармасы бойынша "Опасыздың жазасы – өлім" атты көрініс  ұсынды. Қоюшы-сценарист - Сапархан Алмасбек.

Бауыржан - тек соғыс қаһарманы емес, сонымен бірге жарқын да жалқы, қайта тумас азаматтың бейнесі. Осындай Аңыз адамның соғыс кезіндегі бейнесін көрсетуге тырысқан студенттерге риза болдық. Бауыржан жайлы айтылар аңыз да, жазылар естеліктер  де жалғасын табады деп сенеміз. Батыр даңқы - халық жүрегінде!

Мұхтар Әуезов: "Бұл дәуірде өз тілін, әдебиетін білмеген, қадірлемеген адам толық мәнді интеллигент емес деуге де болады. Себебі, ол қандайлық мамандық білімі болса да, рухани ой тәрбиесінде сыңар жақ азамат болады" - деген болатын.

Жастарды кітапқа, әдебиетке жақындастыруды міндет еткен кітапхана қызметкерлері Кітап фестивальі апталығында көптеген игі шаралар ұйымдастыруда.

Ай кітабы