Желтоқсан айында кітапхана оқырмандарын еліміздегі басты мерекелерге Тұңғыш Президент күні мен Қазақстан Республикасының Тәуелсіздік күніне орай ұйымдастырылған іс-шаралар күтеді. Одан басқа, алдымызда ең қызықты да жарқын мереке – Жаңа жыл!

Желтоқсан айына арналған іс-шаралар жоспары

Қараша айында кітапхана қызметкерлерінің ұйымдастыруымен Қарағанды облысының  Статистика департаментінде және Қорғаныс ісінің әскери департаментінде 1 желтоқсан Қазақстан Республикасының Тұңғыш Президенті күніне арналған "Елбасымен Тәуелсіз Қазақстан" атты ақпараттық сағаты өткізілді.

Ағымдағы жылдың 19 қараша күні кітапханамыздың оқу залдары бөлімінде 1 желтоқсан Қазақстан Республикасының Тұңғыш Президенті күніне арналған "Егемен елдің кемеңгер басшысы" тақырыбында кітап көрмесі ұйымдастырылды.

Тәуелсіз мемлекеттің жетістіктері мен табыстарының қайнар бастауында Қазақстан Республикасының Тұңғыш Президенті - Нұрсұлтан Әбішұлы Назарбаевтың қайраткерлік тұлғасы тұр, қайталанбайтын қолтаңбасы жатыр.

Адамзатқа ертеден таныс сыбайлас жемқорлық – заманмен бірге өсіп-өркендеп, небір тегеурінді қарсылықтарға төтеп беріп, қайда мол қаражат, пайда болса, сол жерге тамыр жайып, бүгінге дейін жойылмай отырған қауіпті кеселдің бірі. Басқа дамушы елдер сияқты, біздің жас мемлекетімізді де жегі құрттай бұл кесел айналып өткен жоқ.

Қазақстан Республикасының Президентті Н.Ә.Назарбаевтың 2014 жылдың 26 желтоқсанында бекіткен «Қазақстан Республикасының 2015-2025 жылдарға арналған сыбайлас жемқорлыққа қарсы стратегиясының» мақсаты – мемлекеттің сыбайлас жемқорлыққа қарсы саясатының тиімділігін арттыру, сыбайлас жемқорлықтың кез - келген көрінісіне «мүлдем төзбеушілік» ахуалын жасау арқылы сыбайлас жемқорлыққа қарсы қозғалысқа бүкіл қоғамды тарту және Қазақстанда сыбайлас жемқорлық деңгейін төмендету болып табылады. Сыбайлас жемқорлықтың тамыры тереңде жатқан қауіпті әлеуметтік құбылыс.

2018 жылдың 25 қараша күні кітапханамызда Қазақстанның халық жазушысы, ақын, балалар әдебиетінің классигі, Мемлекеттік сыйлықтың лауреаты Мұзафар Әлімбай шығармашылығына арналған "Мұзарт таудай Мұзаға" атты жыржауһарлық жастар мен оқушылар арасында әдеби отырыс өтті. Ақынның өмірі жайлы көрсетілімдер ұсынылып, көрме таныстырылды. Жамбыл Жабаев атындағы №7 мектеп-гимназиясының қабырғасынан құрылған "Жыр-Жауһар" поэзия клубы филиалының мүшелері, №102 мектеп оқушылары ақын өлеңдерін оқып, ақынға деген жүрек жарды жырларын арнады. Әдеби кештің көңілді әрі танымды, тағылымды өтуіне кітапхана ұжымы аянбай атсалысты. Кеш қонақтары ақын Мұзафар Әлімбаевтің орысша-қазақша өлең сөздігімен құрылған ойынға қатысып бір сергіп қалса, кітапханашы Алмагүл Садуақасқызының таныстырған көрмесінен ақынның ел білмейтін қырларымен таныс болып көп мағлұмат алды. "Жыр-Жауһар" поэзия клубының ең жас мүшелері – Әшім Рамазан, Сәулехан Асылай ақынға деген арнауларын, Мұхтархан Жансая, Тынысбеков Бекболат ақынның өлеңдерін мәнерлеп оқып, көрермен ықыласына бөленді.

Ай кітабы