Н.В. Гоголь атындағы облыстық кітапхананың конференц залында 2017 жылдың 9 қазан күні сағат 11.00 - де "Кітапханаға латын әліпбиіндегі кітап сыйла" Акциясы аясында 1939 жылы "Казахстанское издательство художественной литературы Алма-Ата" баспасында жарық көрген "Батырлар" кітабын кітапханаға салтанатты түрде тапсыру рәсімі өтеді.

 Келіңіздер! Қапы қалмаңыздар!

2017 жылдың 26 қыркүйегінде сағат 11.00-де кітапхананың конференц залында Абай атындағы Шығыс Қазақстан облыстық әмбебап кітапханасының қатысуымен ұлы жазушының 120 жылдық мерейтойына арналған "Мұхтар Әуезовтің өмір-эпопеясы" атты онлайн-конференция өтеді.

Мұхтар Омарханұлы Әуезов (1897-1961) – қазақ әдебиетінің классигі, көркем сөз майталманы. Жазушының шығармашылық мұрасы әртүрлі жанрларды қамтиды. Көркем шығарма мен пьеса жазудан бөлек, М. Әуезов орыс, батыс классикалық әдебиеттерін қазақ тіліне аударып, қазақ және түркі халықтарының ауыз әдебиетін зерттеп, сыни мақалаларға қалам тербеген. Сондай-ақ, М. Әуезовтің атын әлемге танытқан, әлем әдебиетінде суреткерлік қолтаңбасын қалдырған өр туындысы "Абай жолы" роман-эпопеясын дүниеге әкелді. Абай жолы – халқымыздың дана ойшылы, кемеңгер ұлы, классик ақыны Абай Құнанбаевтың ақындық, гуманистік, демократтық, қайраткерлік тұлғасын сомдай отырып, қазақ елінің жарты ғасырлық тарихын, өмір болмысын, тыныс-тіршілігін, салт-дәстүрін кең құлашпен суреттеп берген дәуірлік туынды. Соғыс жылдарында жарыққа шыққан роман-эпопеяның бірінші кітабына биыл 75 жыл. Ғажайып туынды жоғары бағаланып, әлемнің көптеген тілдеріне аударылды.

Конференцияға қаламыздың жоғарғы оқу орындарының арнайы мамандары мен Абай атындағы Шығыс Қазақстан облыстық әмбебап кітапханасының қызметкерлері қатысады. Іс-шара барысында М.О. Әуезовтің қазақ әдебиеті тарихында алар орны, қазіргі қазақ қоғамының рухани дамуына қосқан үлесі жайлы, "Абай жолы" роман-эпопеясының феномені жайында сөз өрбімек. Конференция қатысушылары ұлы классиктің өмірі мен шығармашылығына қатысты естеліктерге экскурс жасайды.

Баршаңызды іс-шарамызға шақырамыз!

 Қосымша ақпарат

тел: 56-53-04, 56-72-76, 56-74-64

эл/почта: info@karlib.kz

"Жоқтамасаң, іздемесең алтын да жарқырамайды" демекші, қара шаңырақта қазақ халқының бақыты үшін, тағдыры үшін, әдебиеттану ғылымы үшін еңбек еткен әдебиет зерттеушісі, сөз зергері, сәкентанушы Тұрсынбек Кәкішұлын еске алдық. Ғалымның 90 жылдық мерейтойына арналған шара  "Рухани жаңғыру" бағдарламасының "Туған жер" жобасы және Алаш қозғалысының 100 жылдығы аясында өтті.

"Рухани жаңғыру" бағдарламасының "Туған жер" жобасы және Алаш қозғалысының 100 жылдығы аясында кітапханада Қазақстан Республикасының еңбек сіңірген ғылым қайраткері, профессор, филология ғылымдарының докторы Тұрсынбек Кәкішевтің 90 жылдық мерейтойына арналған "Тұрсынбек Кәкішев мұрасы және рухани жаңғыру идеясы" атты филология ғылымдарының докторы, профессор Жандос Смағұловпен кездесу өтеді.

Тұрсынбек Кәкішев қазақ әдеби сынының даму жолдары, жиырмасыншы ғасырдағы қазақ әдебиетінің, оның көрнекті өкілдерінің шығармашылықтары хақында ғылыми ізденістер жасап, өнімді еңбек еткен көрнекті қайраткер, Сәкентанушы. "Сәкен Сейфуллин", "Қызыл сұңқар", "Сәкен және Гүлбаһрам", "Сәкеннің соты", "Тар жол, тайғақ кешудің тағдыры", "Сәкен сүйген сұлулар", "Мағжан-Сәкен", "Сәкен аялаған арулар" "Сын сапары" атты кітаптары жарық көрген. "Қазақ әдебиеті сынының тарихы" монографияларын жазды. "Оңаша отау", "Үштасқан үш өзенмен", "Жол үстінде 80 күн", "Садақ", "Жасампаз өлке", "Кер заманның кереғар ойлары" т.б. кітаптардың авторы.

Кездесуде айтылар ой, берілетін ақпараттар  кейінгі жастарымызға яғни,  әдебиет саласына деген қызығушылықтары бар жастар үшін маңызды болмақ.

Келіңіздер! Қатысыңыздар!

Әдеби шара 2017 жылдың 19 қыркүйек күні сағат 12.00-де кітапхананың конференц залында өтеді.

Қазақстан Республикасы Президентінің 2013 жылғы 22 қазандағы № 698 Жарлығымен қоғамдағы Адам еңбегінің беделін өсіруге, өндіруші еңбекті ынталандыруға, жұмыс мамандықтарын насихаттауға және өндіріс саласына жастарды тартуға, жұмыс әулетіндегі көпжылдық дәстүрді нығайту мақсатында Елбасының Жалпыға ортақ Еңбек Қоғамын құру идеясын нығайту шеңберінде қыркүйектің соңғы жексенбісі "Еңбек күні" болып бекітілді.

Ай кітабы